2017-2018 оқу жылындағы «Сыңғырла алғашқы қоңырау» салтанатты жиыны

1-жүргізуші:

Құдрет

Алаулаған алабынан нұр тамып,
Қазақ елін бүкіл дүние жүр танып.
Көк байрағың желбірейді төріңде,
Әнұраның тұр көгіңде шырқалып.
(әнұран орындалады)
2 - жүргізуші: 

Замзагуль

Қайырлы күн бүгінгі салтанатымызға жиылған қауым!

Армысыздар, құрметті ұстаздар қауымы!

Бармысыздар, қымбатты мектеп оқушылары!

Қош келдіңіздер, қымбатты ата-аналар мен мереке қонақтары!

Бүгін 1 қыркүйек-білім күні. Тәуелсіз еліміз-Қазақстан Республикасының тарихындағы, сондай-ақ Қазақстанның әрбір азаматының, мектеп жасындағы баланың өміріндегі елеулі күн. Өйткені Білім күні- өз мектебін сүйетін және ұмытпаған адамдардың дәстүрлі мерекесі.

Бірінші қыркүйек білім күніне арналған салтанатты жиынымызды ашық деп жариялаймыз!

Ән: «Мереке»  (Жансая, Замзагуль, Аида)
1-жүргізуші:

Құдрет

Ерекше бүгінгі күн, салтанат сән,
Тербетер әр жүректі бір әсем ән.
Құлпырып шәкірттер тұр мектеп - ұстаз,
Сағынып жыл құсындай қайта оралған.
Мереке зор қуаныш - Білім күні,
Сыңғырла қоңыраудың алғашқы үні.
Қош келдің, құтты болсын қадамдарың,
Балдырған, балғын жандар - өмір гүлі.
2 – жүргізуші

Замзагуль

Өмір бойы мектебімді жыр етем,
Бір өзіңде бақыт, бірлік, берекем.
Шәкірттерің өрістесін, өрлесін,
Құтты болсын Білім күнің – мерекең!:
Мектеп деген білім күні, жыр күні
Мектеп деген ғылымның ең үлкені
Мектеп деген тәрбиеші адамға
Мектеп деген даналардың мекені
1 - жүргізуші:

Құдрет

 Жаңа Конституция негізіне адам мен азамат құқықтары, олардың еркіндігінің үстемдігі, Қазақстанда күшті мемлекет құру жайы алынған. Ол қоғамдық дамудың қазіргі үрдістеріне толығымен сәйкес келеді, тіпті одан да озық.

2 - жүргізуші:

Замзагуль

 2017 жыл мектеп табалдырығын алғаш аттағалы отырған бүлдіршіндер үшін бүгін ерекше күн болмақ
1-жүргізуші:

Құдрет

Біреулер енші ап өмірден,
Аттанбақ болса асып қыр
Біреулер балғын көңілмен
Алғашқы қадам басып тұр
Сондықтан да назарды,
Солар жаққа бұрайық
Балдырғандарды базарлы
Қарсы алып, қол соғайық

1.Амангелді Жан

2 - жүргізуші:

Замзагуль

Бірінші сынып оқушыларын және олардың мұғалімін құттықтап қояйық!
1- сынып бүлдіршіндерін білім әлеміне  бастап апаратын ұстаз 
1 - жүргізуші:

Құдрет
Бүгінгі  1 - қыркүйек білім күні мерекесіне құрметті қонақтарымыз қатысып отыр.
Би:  орындайтын бишілер тобы

2- жүргізуші:

Замзагуль

Абзал жан, биік тұлға байсалды,

Құшақ жая шәкірттерін қарсы алды.

Бүгінгі салтанатты шақта бір

Құттықтайды мектеп басшысы баршаңды, – дей келе,

құттықтау сөз мектеп директоры Кикбаева Гүлназ Бағрамқызына  беріледі.

1-жүргізуші:

Құдрет
  Халқымыз “Ата-баба дәстүрі- асыл мұра” дегендей “Бала- бауыр 
етім” деп баласы шыр етіп дүниеге келгеннен бастап, әрбір
қадамына қуанып, шілдехана, бесік той, тұсау кесер, ашамайға
отырғызу сияқты тойларын жасаған. Ал бүгінгі тойымыз
бүлдіршіндердің 6-ға келіп, 1- сыныпқа қабылданып , «Алғашқы
қоңырау» м

ерекесіне қатысу сәті. 
Бұл той- баланың бал дәурен шағымен қоштасып, білімге
талпынған қадамы.
2-жүргізуші:

Замзагуль

 Алғаш келген бүлдіршін,
Құтты болсын қадамың!
Төбеңде бейбіт күн күлсін,
Төмендемесін талабың.
Нұр шашып көкте күн,
Өміріңнің көктемін.
Гүлдендірем деп келдім,
Сәлем алтын мектебім!- деп алғаш мектеп табалдырығын аттап отырған бүлдіршіндерге сөз кезегін береміз
Ән: «Сәбилік көңілден»

1-оқушы:

Сәлем, саған мектебім, (Жан)
Алғыстарым көп менің.
Оқу, білім, тәрбие
Ой санама еккенің.
1-оқушы:

Биыл мен де мектепке (Жан)
Біріншіге барамын.
Мақтанбаймын мен текке,
Дайын дәптер, қаламым.
1-оқушы:

Мектепке енді барамыз, (Жан)
Біз оқушы боламыз.
Жақсы оқып сабақты,
Кілең бестік аламыз.

Ән: «Ұстазға мың алғыс» хор

1-оқушы:

Гүл толы қала, дала да, (Жан)
Гүл толы бүгін омырау.
Шақырып мектеп – анаға, 

Соғылмақ тұңғыш қоңырау.

9 сынып оқушылары  «Мектебім» (Замзагуль ? )

1-жүргізуші:

9-сынып оқушыларына сөз кезегі беріледі

Ән: «Ұстазым»

1-оқушы:

Диас

Өмірдің бейбіт бағы гүл,
Асудан асып асқарлы
Мінекей биыл тағы бір
Жаңа оқу жылы басталды.
Шаттықпен шалқып толғана
Ой толқытқан жүрегін
Өмірге алмақ жолдама
Сыр шертсін енді түлегің

2-оқушы:

Жанбота

Оқыған әпке, ағаңыз,
Қадірлі мектеп – бұл мектеп.
Сендердей біз де болғанбыз,
Есейдік, міне, қараңыз.
Құт болып алғаш қадамың,
Жағарсың білім шырағын.
Биылғы жыл ерекше,
Ұғарсың оның шын мәнін. 
3-оқушы:

Мейрман
 Құттықтап білім күнімен,
Сыйланар сізге әліппе.
Бар білімнің бастауы,
Қадірлеп оны дәріпте.
Егемен елдің төсінде,
Шуағын шашсын арай ,күн
Азамат болып өсіңдер,
Қызыға жұрттар қарайтын.

1-оқушы:

Диас
Айқара ашқан есігін
Қайнары білім нұрының
Мектебің – алтын бесігің
Жылы ұяң, міне сыныбың
Қаламсап алып қолыңа,
Достасарсың да әріппен
Шуағын себер жолыңа,
Жан серігің – әліппең

Ән: «Ұстазым»

2-оқушы:

Мейрман

Мектебің – алтын ұя жарқыраған,
Ұстазың – бұлақ көзі сарқыраған.
Шыңдалып, шыңға қарай қанат қақтың,
Шарықта, жас қыраным, ақ жол саған.

3-оқушы:

Жанбота

Нұр құйған бөбектердің зердесіне,
Білімнің сусындадым теңізінен.
Шәкіртпін асыр салған жер төсінде,
Нәр алып ұстаздың әр лебізінен.

Жасарып жайсаң жаны жадырайды,
Алдынан түлеп ұшса балғын бөбек.
1-оқушы:

Диас
Қоңырау сыңғырла, асыға
Үн қосқан қиядан асуға
Білім ал, еңбек ет жас ұлан
Өрле сен биiк шың басына.
Қоңырау үні сыңғырлап,
Естілді жылы жаныма
Күлкідей әсем сылдырлап
Бөбекті жиды маңына

2-оқушы:

Жанбота

Бақытым самғасам да, көгімде ұшар,
Мектебім жүрегімнің төріндесің,
Өзіннен бастау алған бала сезім.
Білемін еш уақытта жеңілмесін.
Өмірдің қол созғанмен жаңасынан,
Өткеннің кім жете алар бағасына.
Кешегі арман қуған күн алыста,
Кеттің-ау сағым жылдар арасында.

Мектебім сағынышым, 
Балалығымның тәңірісін.
Шуақты күндерді,
Жұлдызды түндерді, 
Сәуледей болған жарығысың.

2-жүргізуші:

Құдрет

Бүлдіршіндер – ертеңгі ұландары,

Құтты болсын алғашқы қадамдары.

Құтты болсын, басталған оқу жылы,

Құтты болсын, алғашқы баспалдағы.

 Мектеп табалдырығын алғаш аттап отырған бүлдіршіндерімізге сәттілік тілей отырып , 4- сынып қыздарының орындауында  «Ертегілер»   қабыл алыңыздар.
1 – жүргізуші:

Замзагуль
Ата - ана болу үлкен сын
Бала өсіру ұлы өнер
Жақсылардың соңынан
Жарқын қыз бен ұл өсер
 1- сынып ата - аналарына құттықтау сөз кезегі беріледі. 
Ән «Мектебім»
1- жүргізуші:

Құдрет

Оқу қайта басталды,
Мектебіміз қарсы алды.
Қоңыраудың дауысы
Күмбірлетті аспанды.
Қағылмақ міне әуенге бөлеп,
Қағылмақ алғаш қоңырау.
Нұр толып жүзің, гүл толып құшақ,
Шаттыққа толсын омырау.

2-жүргізуші:

Замзагуль

Аялар бейбіт күн нұры,
Мектебім, бізге жөргексің.
Алғашқы қоңырау сыңғыры
Ән болып сені тербетсін.
Сыңғырла қоңырау, сыңғыр қақ,
Жаңа оқу жылын ашқасын
Бал үнің сенің сырлы ырғақ
Сыныпқа бізді бастасын
1-жүргізуші:

Құдрет
Қоңырау үні шарықта,
Өзіңнің сиқыр тіліңде
Қызмет көрсет халыққа
Шақырып өнер – білімге
Жаңа оқу жылы жемісті
Мерейі үстем жыл болсын!
Шәкірттеріміз өрісті,
Елім дер қыз бен ұл болсын!

Жаңа оқу жылының алғашқы қоңырау соғу рәсімі  1- сынып оқушысы          пен  9- сынып оқушысы                       ие болып отыр.

Соғылсын қоңырау, соғылсын,
Сыңғырла мәңгілік сыңғырла.
Толқыған жүректер тоғысын
Толтырып бір арна, бір жырға.
Шаттықтың үніндей мәңгілік
Соғылсын қоңырау, соғылсын,
Қуаныш әніндей жаңғырып
Жүректер ақ нұрға соғылсын.
2-жүргізуші: 

Замзагуль

Құрметті оқушылар, баршаңызды Білім күніне арналған                                               «Мен- өз елімнің патриотымын» атты алғашқы сабаққа шақырамыз.

1-жүргізуші:

Құдрет

 Осымен Білім күніне арналған салтанатты жиынды жабық деп жариялаймыз!